Por que GalChimia

Co-fundadora e Directora Executiva

Despois de completar o seu doutoramento en Química Orgánica en 2001, Carme fundou GalChimia xunto con tres socios da Universidade de Santiago de Compostela (Galicia). A partir de entón, foi a directora executiva da compañía, transformándoa nun líder europeo en síntese orgánica. Carme tamén participou na creación das empresas AMSLab, ChemoSapiens, e OrigoBiopharma, todas elas dentro dos sectores químico e biotecnolóxico. A nivel autonómico, é Vicepresidenta do Clúster Empresarial Tecnolóxico de Ciencias da Vida de Galicia (Bioga) e membro do Consello de Administración do Hub de Innovación Dixital DATALife.

Co-fundador e Director Científico

Jacobo é cofundador de GalChimia, así como Director Científico dende a súa creación en 2001. Ao longo de estes anos, xestionou máis de 1700 proxectos de síntese, a maioría deles relacionados co desenvolvemento de fármacos. A súa carreira emprendedora complétase coa creación doutras tres empresas no sector da biotecnoloxía: AMSLab, ChemoSapiens, e OrigoBiopharma. Ademais, participa en diversos proxectos de innovación a nivel nacional e europeo. En particular, o seu interese céntrase en proxectos que abordan a síntese e escalado de moléculas complexas para aplicacións específicas relacionadas coa medicina e a biotecnoloxía a través do desenvolvemento de novas metodoloxías químicas.

Directora Financeira

María José é a nosa Directora Financeira e supervisa o Departamento de Administración. Incorporouse a GalChimia apenas dous anos despois da súa creación e acompañounos durante todo o intenso crecemento da empresa. Ademais da contabilidade, xestiona as compras e tódalas negociacións cos provedores. Anque non é química, a súa paixón por GalChimia tivo definitivamente un gran impacto no éxito da empresa ao coidar tódolos aspectos financeiros, tanto cos nosos clientes como cos nosos provedores.

Directora de Calidade

Eva é a nosa Directora de Calidade. Incorporouse á empresa en 2002 como Química de I+D e, pouco despois, converteuse en Xefa de Proxectos. A súa habilidade para a xestión e o seu interese en saúde e seguridade orientaron a súa carreira cara a xestión de calidade. Eva é a Directora de Calidade de GalChimia dende fai máis de 12 anos, nos que liderou a implementación dun sistema de xestión integrado en liña cos estándares máis altos (ISO 9001: 2015). Ademais, é responsable do noso control de calidade, certificando tódolos produtos antes de que saian das nosas instalacións.

Director de Operacións

Diego é o COO de GalChimia e xestiona as operacións dos nosos tres centros (Touro, Madrid e Barcelona). Tras graduarse en Enxeñaría Química, decidiu seguir a súa paixón e completar un Máster en Enxeñaría Química e de Bioprocesos. Posteriormente continuou a súa carreira en industria, onde adquiriu unha valiosa experiencia en produción e optimización industrial. Desde que se uniu a GalChimia en 2022, Diego lidera novas estratexias para aumentar a nosa produtividade cun foco claro nas necesidades e expectativas dos nosos clientes. E sen esquecer o noso maior activo, o equipo humano, tamén promove iniciativas de Formación e Desenvolvemento Profesional dentro da compañía.

Directora de Recursos Humanos

O intenso crecemento da empresa nos últimos anos puxo en releve a necesidade de un Departamento de Recursos Humanos como instrumento fundamental para comunicar e fomentar a cultura e os valores da empresa nos nosos tres centros de traballo. Con este importante obxectivo en mente, Antía incorporouse á empresa en 2018. A súa paixón polas persoas encaixa perfectamente coa paixón pola química de GalChimia, atopando o mellor talento do país para os nosos centros. Antía tamén coordina diversos programas de formación profesional, xa sexan a nivel de xestión ou coma ChemClasses para o persoal de laboratorio.

Project Manager e Referente en Síntese Química

Ramón incorporouse a GalChimia en 2006 como Project Manager converténdose posteriormente en Responsable de Laboratorio da nosa sede central. O seu profundo coñecemento en síntese e experiencia previa na industria farmacéutica lévalle a comprender á perfección as necesidades dos nosos clientes. Ademáis das súas funcións como Project Manager, Ramón é un gran mentor e referente para todos os nosos químicos, axudándolles a afrontar os maiores retos en síntese orgánica.

Project Manager I+D+i

Raúl incorporouse a GalChimia en 2004 como Químico de I+D, progresando rapidamente a Xefe de Proxectos. En 2012 trasladouse ao noso novo centro no Parque Tecnolóxico de Madrid en Tres Cantos, onde asumiu o cargo de Responsable de Centro. Neste posto, coordina aspectos tanto de laboratorio como de persoal, ademais de manter contacto estreito cos clientes de Tres Cantos. En 2021, a súa gran motivación, compromiso e paixón pola química convertérono no novo Project Manager do noso Departamento de I+D+i, onde actualmente lidera os nosos esforzos para estar á vangarda da investigación química, así como do pipeline de descubrimento de GalChimia.

Account Manager

Ana uniuse a GalChimia en 2023 como Account Manager, con gran entusiasmo para desenvolver as estratexias de marketing e vendas da empresa. Aínda que Publicista de formación, a carreira de Ana en Marketing e Comunicación levouna á Industria Farmacéutica, na que avanzou profesionalmente cara roles de Desenvolvemento de Negocios. Máis tarde trasladouse ao sector das CRO, adquirindo máis experiencia sobre a cadea de valor no proceso de descubrimento de fármacos. Como Account Manager, Ana establece relacións con clientes existentes e potenciais, mentres coordina aos demais departamentos da empresa para garantir que os proxectos se completen con éxito.